Shymkent ákimdigi sanaq personalyna 246 planshet tabystady

NUR-SULTAN. QazAqparat – Ulttyq sanaqtyń birinshi kezeńinde Shymkent qalasyndaǵy jylymaıtyn múlikterdiń mekenjaıyn naqty kórsetetin jańartylǵan karta ázirlendi. Bul týraly Shymkent qalasynyń ákimi Murat Áıtenov Úkimet otyrysynda málim etti, dep habarlaıdy QazAqparat tilshisi.

«Sanaqtyń ekinshi kezeńine 186 nusqaýshy-baqylaýshy jáne 1 304 ıntervıýer tartylady. Qala aýmaǵynda ornalasqan jyljymaıtyn múlik obektileri men olardyń mekenjaılary boıynsha jańartylǵan karta ázirlenip, Statıstıka organyna 246 dana planshet usynyldy. Sanaq personalyn úı-jaımen qamtamasyz etý boıynsha 155 nusaýshy ýchaske belgilenip, jıhazben, qural-saımandarmen, telefon baılanysymen jáne ınternetpen jabdyqtaldy», - degen shahar basshysy qala aýmaǵyna jýyq ǵana qosylǵan eldi mekenderge qatynaý úshin sanaq personalyna arnaıy kólik bólingenin atady.

«Sanaq personalyna qala aýmaǵyna keıin qosylǵan eldi mekenderge qatynaý úshin 14 jeńil avtokólik uıymastyryldy. Qaladaǵy epıdemıologııalyq ahýaldy eskere otyryp, sanaq peorsonaly vaktsınalaýdan ótip jatyr. Sanaq personalynyń qaýipsizdigin qamtamasyz etý úshin ýchaskelik polıtsııa ókilderi profılaktıkalyq jáne uıymdastyrý jumystaryn turaqty túrde júrgizdi», - dedi Murat Áıtenov.

Eske salsaq, búgingi Úkimet otyrysynda bıýro basshysy bıylǵy sanaqqa pandemııa, vaktsınaǵa qatysty máseleler suraqtar qosylyp otyrǵanyn atap ótti.

«Sanaq paraqtaryna halyqtyń kóshi-qony, tirshilik qabiletin shekteý, pandemııanyń tabys deńgeıine áseri, koronavırýs ınfektsııasymen syrqattanýshylyq jáne halyqty vaktsınalaý týraly jańa suraqtar engizildi. Jumyspen qamtý, til meńgerý, meken jaǵdaıy jáne bala týý týraly suraqtardyń qatary keńeıtildi», - dedi Ulttyq statıstıka bıýrosynyń basshysy.