Shymkent ákimdigi nan baǵasyn 60 teńge etip bekitti
Shymkent qalasynyń kásipkerlik jáne ındýstrıaldy-ınnovatsııalyq damý basqarmasynyń basshysy Áset Abdrahanovtyń aıtýynsha, ákimdik jaǵdaıdy jan-jaqty talqylaǵan.
«Nan pisirýshi Qaýymdastyqpen birneshe kelissózden soń esepteý júrgizilip, nan baǵasy shyǵaryldy. Endi Shymkentte bir bólke nan - 60 teńge. Qosymsha aıta ótsek, ákimdik tarapynan áleýmettik ónimniń baǵasyna kúndelikti monıtorıng júrgizilýde. ıAǵnı, nan baǵasynyń odan ári ósýine jol berilmeıdi»,- dedi Áset Abdrahanov .
Al, nan pisirýshi qaýymdastyq ókilderi bul máselege oraı óz ýájderin aıtyp otyr. Assotsııatsııa tóraǵasy Ábdimálik Kómekbaevtyń sózinshe, zańdy tulǵalarǵa kommýnaldyq qyzmet tólemi edáýir ósip ketken.
«2016 jyldan bastap sý - 24,7%, elektr energııasy - 27,2% -ǵa qymbattaǵan. Sondaı-aq, janar-jaǵarmaı baǵasy kóterilgenimen (AI-92 - 25,2%, Dızel otyny - 105,01%), qala ákimdiginiń kelisimimen nan pisirýshiler alǵashqy qajettiliktegi azyq-túlik retinde birneshe jyl boıyna nan baǵasyn kótermeı ustap turdy. 17 qyrkúıekke deıin bir bólke nan baǵasy 50 teńge boldy. Endi as atasynyń baǵasy 60 teńgege qymbattasa da, bul elimizdegi eń tómen baǵa», - deıdi ol.
Eske salaıyq, kúni keshe Shymkenttegi dúkenderde nan baǵasynyń kúrt kóterilgenin habarlaǵanbyz. Buryn 45-50 teńge turatyn bólke nan 55-65 teńgege qymbattap ketken edi.