Shymkent ákimdigi ishki aýdıt qyzmetiniń basshysy sottaldy
«Shymkent qalasynyń Sybaılas jemqorlyqqa qarsy qyzmeti buǵan deıin sybaılas jemqorlyq qylmysyn jasady dep kúdiktelgen Shymkent qalasy ákimdiginiń ishki aýdıt qyzmetiniń basshysy A. Slamovqa qatysty sotqa deıingi tergeýdi aıaqtady», - delingen habarlamada.
A. Slamov 2018-2019 jyldar aralyǵynda Shymkent qalasy Bilim basqarmasynyń «Mýzykalyq kolledj» MKQK-da júrgizilgen aýdıtorlyq tekserýdiń oń sheshimin qabyldaǵany úshin osy kolledjdiń dırektorynan 1 mln 200 myń teńgeni aldaý arqyly ıemdendi dep kúdiktelgen.
2019 jyldyń 11 jeltoqsanynda Shymkent qalasynyń Abaı aýdandyq sotynyń úkimimen A.Slamov alaıaqtyq jasaǵany úshin kináli dep tanylyp, memlekettik qyzmette laýazym atqarýǵa ómir boıyna quqyǵynan aıyryldy. Jáne oǵan 9 mln teńge kóleminde aıyppul salyndy.