Shymbulaqtaǵy órt sóndirildi

ALMATY. QazAqparat – Almaty qalasyndaǵy Shymbulaq taý-shańǵy kýrortyndaǵy restobardan shyqqan órt sóndirildi, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, 29 qańtar kúni saǵat 5:30-da 101 pýltine Medeý aýdanyndaǵy taýda ornalasqan meıramhana ıesinen (bıiktigi 3200m, «Shymbulaq» TShK artqy jaǵyndaǵy) meıramhananyń janyp jatqany týraly habarlama kelip tústi.

Órt sóndirý tehnıkasyn bıiktikke kóterý múmkin bolmaǵandyqtan, jeke quram fýnıkýlermen kóterildi. Órtti sóndirý jumystary obektilik sýmen jabdyqtaý arqyly júzege asyryldy.

Órt saǵat 08.05-te oqshaýlanyp, saǵat 08.30-da sóndirildi.

Órtti sóndirýge kúshter men quraldardyń jetispeýshiliginiń obektıvti sebepterine baılanysty negizgi kúshter ottyń kórshi obektilerge taralýyna jol bermeýge baǵyttaldy.

Qabyldanǵan sharalardyń arqasynda «Shymbulaq» TShK gondoldy jolyna ottyń taralýyna jol berilmedi.

Órtti joıý sýdy qarǵa aınaldyratyn qar generatorlarynyń eki jelisinen júrgizildi. Qaza tapqandar men zardap shekkender joq. Órt aýmaǵy 800 sharshy metrdi qurady. Órttiń shyǵý sebebi anyqtalýda.

«Órtti sóndirýge jeke quramnan 13 adam jumyldyryldy»,-delingen habarlamada.

Osyǵan deıin Almatyda Shymbulaq tań-shańǵy kýrortyndaǵy meıramhanadan órt shyqqanyn habarlaǵan bolatynbyz.

Foto: gov.kz