Shymbulaqta shyrshalar kesilip jatyr degen aqparat shyndyqqa janaspaıdy - ákimdik

ALMATY. QazAqparat - Almatylyq belsendiler «Shymbulaq» taý-shańǵy kýrortynda frıstaıl jarysyna arnalǵan jerde shyrshalardyń tutas baýraıy kesilip jatqanyn aıtyp shaǵymdandy. Ákimdik bul aqparatty teriske shyǵardy, dep habarlaıdy QazAqparat tilshisi.

«Jaqynda «Shymbulaq» taý shańǵy kýrortynda frıstaıl jarysyna arnalǵan jerde shyrshalardyń kesilip jatqanyn bildim. Otalǵan aǵashtardy taý baýraıyna tastaǵan. Ol jerden eshteńe kórinbeıdi», - dep jazdy Facebook paraqshasynda ekobelsendi Saltanat Táshimova.

Qalalyq jasyl ekonomıka basqarmasynyń baspasóz qyzmeti bul aqparattyń shyndyqqa janaspaıtynyn habarlady.

«Sońǵy kúnderi áleýmettik jelilerde «Shymbulaq» taý shańǵy kýrortynda frıstaıl jarysyna arnalǵan jerde shyrshalardyń tutas baýraıy kesilgeni týraly jarııalanym paıda boldy. Bul aqparat shyndyqqa sáıkes kelmeıdi. «Medeý» saıabaǵy bul aýdanda ormandy kesý boıynsha eshqandaı jumys júrgizgen joq, óıtkeni buryn bul baýraıda jasyl jelek óspegen. Bul jer keńes ókimeti kezinde akrobatıkany oqytý úshin qoldanylǵanyn eskertemiz», - dep atap ótti Almaty qalalyq jasyl ekonomıka basqarmasy.