Shymbulaqta 500 tekshe metr qar túsirildi
Almaty qalalyq tótenshe jaǵdaılar departamentiniń málimetinshe, «Shymbulaq» taý-shańǵy kesheniniń aýmaǵynda «Avalanheur» pnevmatıkalyq qondyrǵysy arqyly №26 B «Talǵar asýy» jáne №26 A «Qonýs» qar kóshkinin jınaý ýchaskelerinde qar massasy túsirildi.
«Qazseldenqorǵaý» MM, «Qazgıdromet» RMK profılaktıkalyq jumystardy júrgizý nátıjesinde 500 tekshe metrden astam qar túsirilip, shańǵy kýrortynyń demalýshyly úshin qaýipsizdikti qamtamasyz etildi.
Esterińizge sala keteıik, qazirgi ýaqytta Úlken Almaty kóli men Shymbulaqqa baratyn avtojoldar jabyq.
Jalpy, Almaty óńiri boıynsha 165 kóshkin qaýpi bar ýchaske bar, onyń ishinde qala turǵyndary men týrısteri úshin eń úlken qaýipti «Medeý» , «Shymbulaq» TShK jáne Úlken Almaty kóli aýdanynda ornalasqan 18 ýchaske.
«Qazgıdromet» RMK jáne «Qazseldenqorǵaý» MM beketteri qar kóshkini jaǵdaıyna turaqty monıtorıng júrgizedi. Shuǵyl sharalarǵa «Qazseldenqorǵaý» MM almatylyq fılıaly bazasynda avarııalyq-mehanıkalandyrylǵan brıgada qurylyp, turaqty daıyndyqqa keltirdi.
Qutqarýshylar osy ýaqytta taýly jerlerge barmaýǵa, tik qarly betkeılerden saq bolýǵa, taý shańǵysy kýrorttaryndaǵy qorshaýlardan tys jerlerge shyqpaýǵa keńes beredi.
Aıta keteıik, keshe Shymbulaq aýmaǵynda qar kóshkini júrgen edi.
Vıdeodan alynǵan kadr