«Shymbulaq» kýrortynyń eń bıik núktesinde vızıt-ortalyq iske qosyldy
Qazaqstan Respýblıkasy Premer-Mınıstriniń orynbasary Eraly Toǵjanov Almaty qalasyna jumys sapary aıasynda týrıstik maqsattaǵy birqatar nysandardy aralap, Memleket basshysynyń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda aıtylǵan el ishindegi ekologııalyq týrızm mádenıetin belsendi damytý jónindegi tapsyrmalarynyń iske asyrylý barysymen tanysty.
Atap aıtqanda, «Medeý» bazalyq stantsııasyndaǵy jáne «Shymbulaq» taý shańǵysy kýrortynyń eń joǵary núktesindegi vızıt-ortalyq pen «Tenir Eco Hotel» glempıngtik aımaǵynyń qurylys alańynda boldy.
Almaty qalasy týrızm basqarmasynyń basshysy Sabına Amankeldi qalada týrızm salasyna jeke ınvestıtsııalardy tartý boıynsha júıeli jumys júrgizilip jatqanyn aıtty.
Bıyl jeke qarajat esebinen qalanyń negizgi kórikti jerlerinde 2 vızıt-ortalyq salyndy jáne «Tenir Eco Hotel» glempıng aımaǵynyń qurylysy boıynsha jumystar aıaqtalýda.
Úsh joba boıynsha tartylatyn jeke ınvestıtsııalardyń jalpy somasy shamamen 1 mlrd teńgeni quraıdy.
Vıtse-premer vızıt-ortalyqtardyń qyzmetimen tanysty. Búgin «Shymbulaq» taý shańǵysy kýrortynyń eń bıik núktesinde 3200 m. vızıt-ortalyq iske qosyldy. Vızıt-ortalyqta kýrort týraly aqparat alýǵa bolady. Sonymen qatar, kelýshiler kádesyı men «Shymbulaq» leıbli bar fırmalyq kıimdi satyp ala alady. Taýǵa jaıaý joryq, qarda júrý, paraplanmen ushý sııaqty aqyly qyzmetter bar.
«Shymbulaq» TShK-nyń bas dırektory Rınat Abdrahmanov «Medeý» bazalyq stantsııasynda jeltoqsan aıynyń basynan bastap «Densaýlyq soqpaǵy» bastaýy, barlyq jastaǵy qonaqtar úshin ekotýrızm salasyndaǵy aqysyz bilim berý jobasy bolý úshin vızıt ortalyǵy iske qosylǵanyn aıtty.
Ol Medeý arqan jolynyń stantsııasynda ornalasqan jáne týrıstik aqparattyq ortalyqty, «oqıǵa ofısin» jáne jaıly fýd-kortty qamtıdy.
Sondaı-aq jeltoqsan aıynyń sońyna deıin «Tenir Eco Hotel»glempıngtik aımaǵynan Іle Alataýy shyńdarynyń panoramalyq kórinisi ashylady. «Tenir Eco Hotel» glempıng aımaǵy jobasynyń ınvestory Vladımır Sarybekov iske asyrylyp jatqan eko-úıler tolyǵymen qazaqstandyq zaýyttarda jınalǵanyn, retsırkýlıatsııalyq tazartý júıesimen jabdyqtalǵanyn, bul ekologııany saqtaý úshin mańyzdy ekenin atap ótti.
Vıtse-premerge, sondaı–aq, kýrort aýmaǵynda Qazaqstandaǵy eń iri taý shańǵysy mektebi – «Shymbulaq» taý shańǵysy jáne snoýbord mektebi jumys isteıtindigi baıandaldy. Jyl saıyn mektepte taý shańǵysy men snoýbordtan 10 000-nan astam sabaqtar ótkiziledi, oqýshy sany 15 000 –nan asady.
Nysandardy aralaý nátıjesi boıynsha QR Premer-Mınıstriniń orynbasary Eraly Toǵjanov týrızm megapolıstiń ekonomıkalyq damýynyń draıveri bolýǵa laıyqty ekenin atap ótti.
Qonaq úıler, taý shańǵysy kesheni, meıramhanalar, dámhanalar, hostelder jáne ártúrli baǵyttaǵy demalys ortalyqtary ornalasqan kýrorttyń barlyq maýsymda da qyzmet etetinin eskere otyryp, emdik-saýyqtyrý týrızmin damytýǵa da erekshe nazar aýdarylýy qajet.
Ásirese, pandemııa jaǵdaıynda qala turǵyndary men qonaqtary ońalýdan keıingi kezeńde de, aǵzanyń ımmýndyq júıesiniń profılaktıkasy men nyǵaıtýy úshin de taýlarǵa kele alýyna barlyq jaǵdaılar jasalýy qajet.