Shylym shegý spetsıfıkalyq aýrýlar týǵyzady - maman

NUR-SULTAN. QazAqparat – QR Densaýlyq saqtaý mınıstrligi medıtsınalyq kómekti uıymdastyrý departamenti dırektorynyń orynbasary Gúlnar Sársenbaeva temekiden qandaı aýrýlar týyndaıtynyn aıtty, dep habarlaıdy QazAqparat tilshisi.

«Halqymyzǵa, ásirese jas býynǵa shylym shegýdiń zııandy áseri týraly kóbirek bilý kerek. Dástúrli temeki ónimderi bolsyn, «qyzdyrylatyn» temeki túrleri bolsyn, adam aǵzasyna tıgizetin áseri birdeı – olar aýrý týǵyzady», - dedi Gúlnar Sársenbaeva ortalyq kommýnıkatsııalar qyzmetinde BAQ ókilderiniń saýalyna bergen jaýabynda.

Mamannyń aıtýyna qaraǵanda, elektrondy shylym spetsıfıkalyq syrqattar týǵyzady.

«Veıp qoldanǵan adamnyń aǵzasynda EVALI aýrýy týyndaýy múmkin. ıAǵnı, qyzdyrylǵan suıyqtyq bý bolyp ókpege túsedi de, aýanyń qozǵalysyn shekteıdi. Ólimmen aıaqtalatyn aýlardyń negizgi toby bar. Olar – júrek-qantamyr, onkologııa, qant dıabeti jáne tynys alý organdarynyń aýrýy. Jyl saıyn osy aýrýlardy emdeýge 200 mlrd teńge jumsalady. Byltyr elimizde osyndaı derek tirkeldi», - dedi Gúlnar Sársenbaeva.

Buǵan deıin elimizde jalpy temekiniń aktsızi ósetini habarlanǵan edi.