Shyǵystaǵy qutqarýshylary bıyl 134 qart pen múgedekke kómekke keldi

ÓSKEMEN. QazAqparat – Shyǵys Qazaqstan oblysynyń qutqarýshylary bıyl 130-dan astam qart jáne múgedek adamǵa kómekke keldi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylar bıylǵy atqarylǵan jumysty qorytyndylady.

Jyl basynan beri olar jabylyp qalǵan 772 esikti ashyp, úıde qamalǵan jáne basqa da qıyn jaǵdaıǵa tap bolǵan 170 balaǵa kómektesti.

«Sondaı-aq departament mamandary 134 qart jáne múmkindigi shekteýli jandarǵa qajet kezde qolushyn sozdy. Adamdardan bólek janýarlarǵa da kómek kórsetilgen. 12 iri qara, 46 ıt pen 26 mysyqty qutqaryp, 33 qaýipti ara uıasyn joıdy. Jyl boıy TJD qyzmetkerleri sıyrlar men jylqylardy shuńqyrlar men aryqtardan shyǵaryp, apta saıyn bıik aǵashqa shyqqan mysyqtardy túsirýmen aınalysty. Al ıtter qudyqtan, úılerdiń qabyrǵalary arasynda shyǵaryldy», - delingen aqparatta.

Jaz boıy qutqarýshylar turǵyndar shaǵymy boıynsha ara uıalaryn joıýmen aınalysty.