Shyǵysqazaqstandyq 27 dáriger sheteldik klınıkalarda biliktiligin arttyryp júr
ShQO densaýlyq saqtaý basqarmasy baspasóz qyzmetiniń málimetine súıensek, sońǵy bir jyl ishinde óńirdegi medıtsınalyq mekemelerge 72 jas maman jumysqa keldi.
Onyń ishinde 23 rezıdent, 43 jalpy tájirıbedegi dáriger, úsh qoǵamdyq densaýlyq saqtaý mamany jáne úsh tis dárigeri.
«Aýyldaǵy aýrýhanarlarǵa jumysqa ornalasqandarǵa 100 AEK kóleminde kótermeaqy, 1500 AEK kóleminde jeńildetilgen nesıe qarastyrylǵan. Búginde bes medıtsına qyzmetkerine qyzmettik páter berildi, al 20 maman «Birqabatty Shyǵys» baǵdarlamasy aıasynda baspana aldy», - delingen aqparatta.
Aldaǵy ýaqytta da aımaqtaǵy dáriger tapshylyǵy máselesi kún tártibinen túspeıdi.
«Bıyl 34 mamandy rezıdentýrada oqytýǵa jergilikti bıýdjetten 27,9 mln teńge bólindi. Sonymen qatar qazirgi ýaqytta oblysymyzdyń 27 dárigeri Izraıl, Latvııa, Germanııa jáne Reseı Federatsııasynyń jetekshi klınıkalarynda biliktilik arttyryp jatyr», - deliggen habarlamada.