Shyǵys ıAvada Qazaqstannyń Qurmetti konsýldyǵy ashyldy
Qazaqstannyń Qurmetti konsýly bolyp Sýrabaıa qalasynyń Saýda-ónerkásip palatasy tóraǵasynyń orynbasary, aqparattyq tehnologııalar, tamaq ónerkásibi, aýyl sharýashylyǵy salalaryndaǵy birqatar kompanııalardyń basshysy Abdýl Ǵofýr taǵaıyndaldy.
Qazaqstan Elshisi Danııar Sarekenov Shyǵys ıAvada konsýldyq ashýǵa túrtki bolǵan alǵysharttar qatarynda Indonezııanyń jalpy ishki ónimniń 15%-yn quraıtyn ólkeniń joǵary ekonomıkalyq belsendiligin, Shyǵys ıAva kásipkerleriniń qazaqstandyq áriptestermen ózara is-qımyl jasaýǵa qyzyǵýshylyqtaryn, sondaı-aq ınvestıtsııalyq, mádenı-gýmanıtarlyq salalarda yntymaqtasý perspektıvalaryn atap ótti. Qurmetti konsýldyq qazaqstandyq jáne shyǵys ıavalyq iskerlik toptardy baılanystyratyn býynǵa aınalady dep kútilýde.
Shyǵys ıAva ólkesiniń Saýda-ónerkásip palatasynyń tóraǵasy Adık Pýtranto Indonezııanyń Saýda-ónerkásip palatasy basshylarynyń birin Qazaqstannyń qurmetti konsýly etip taǵaıyndaý qazaqstandyq kásipkerlermen praktıkalyq ózara is-qımyldy ilgeriletýde úlken mańyzǵa ıe ekenin atap ótti. Ol Qurmetti konsýldyqtyń ashylýy saýda aınalymyn arttyrýǵa, ınvestıtsııalar men týrızm salasyndaǵy yntymaqtastyqty nyǵaıtýǵa qosymsha serpin beretinine senim bildirdi.
Sýrabaıa qalasynyń Saýda-ónerkásip palatasynyń tóraǵasy Alı Affandı men Almaty qalasynyń kásipkerler palatasy tóraǵasynyń orynbasary Aqerkin Eralıeva qatysqan bıznes-forým sheńberinde eki qalada bıznes júrgizýdiń perspektıvti baǵyttary týraly tanystyrylymdar jasaldy.
40 mıllıonnan astam halqy bar Shyǵys ıAva ólkesinde Indonezııanyń negizgi ónerkásiptik klasteri, sonyń ishinde toqyma, aıaqkıim, jıhaz, hımııa, metallýrgııa, farmatsevtıka óndiristeri shoǵyrlanǵan. Sýrabaıa – iriligi jaǵynan Djakartadan keıingi ekinshi qala, ekonomıkalyq ortalyq jáne eldiń porty.
Foto:gov.kz