«Shyǵys» óńirlik qolbasshylyǵynyń eń úzdik ofıtserleri anyqtaldy
Onyń aıtýynsha, ofıtserler baıqaýy barysynda «Úzdik batalon komandıri», «Úzdik batalon komandıriniń tárbıe jáne áleýmettik-quqyqtyq jumystary jónindegi orynbasary», «Batalonniń úzdik shtab bastyǵy» anyqtalǵan.
«Áskerı bólimderdegi baıqaý-saıysynda irikteýden ótken 30-ǵa jýyq ofıtser dene daıarlyǵy, qyzmettik-jaýyngerlik qoldaný taktıkasy, atys jattyǵýlary, saptyq daıarlyq, memlekettik-quqyqtyq daıyndyǵy men Jalpy áskerı jarǵy talaptaryn bilýden emtıhan tapsyryp, bilimderin synǵa saldy. Baıqaý-saıysynyń qorytyndysy Ulttyq ulan ofıtserleriniń daıarlyq deńgeıin kórsetip, úzdikterdi anyqtaýǵa múmkindik beredi. 3 kezeńnen turatyn baıqaý-saıysy áskerdiń kadrlyq áleýetin kóterý maqsatynda jyl saıyn ótkizilip turady», - deıdi Baǵdat Amangeldi.
Eki kúndik saıystyń qorytyndysy boıynsha «Úzdik rota komandıri» ataǵyn 5511 áskerı bóliminiń (Semeı q.) jedel maqsattaǵy rota komandıri aǵa leıtenant Turar Asyraýov jeńip alsa, «Rota komandıriniń TjÁQJ jónindegi úzdik orynbasary» tuǵyryna 6699 áskerı bóliminiń (Óskemen q.) jeke atqyshtar rotasy komandıriniń TjÁQJ jónindegi orynbasary aǵa leıtenant Erkebulan Ersaınov jaıǵasqan. Al «Úzdik vzvod komandıri» ataǵyna 3514 áskerı bóliminiń (Kýrchatov q.) vzvod komandıri aǵa leıtenant Eldos Isın ıe bolǵan.
«Jeńimpazdardy saltanatty túrde marapattaý barysynda QR Ulttyq ulany «Shyǵys» óńirlik qolbasshylyǵynyń qolbasshysy general-maıor Amrıev Talapker Qydyruly jeńimpazdarǵa marapattaý qaǵazdary men «Shyǵys» óńirlik qolbasshylyǵynyń tól tańbasy beınelengen arnaıy belgiler tartý etti. Saltanatty sharada general-maıor Talapker Amrıev jeńimpazdardy quttyqtaı kele, 2018 jyldyń qańtar aıynda Ulttyq ulannyń Bas qolbasshylyǵynda ótetin baıqaý-konkýrsynyń úshinshi kezeńinde Shyǵystyń namysyn qoldan bermeýdi tapsyrdy», - dep habarlaıdy Baǵdat Amangeldi.