«Shyǵys» óńirlik qolbasshylyǵynda serjanttardyń kýrstyq daıarlyǵy aıaqtaldy (FOTO)

ASTANA. QazAqparat - QR Qarýly Kúshteriniń «Shyǵys» óńirlik qolbasshylyǵynda 2015 jyly serjanttar quramynyń kýrstyq daıarlyqty ótýiniń taldaýy júrgizildi. Bul týraly QR QM baspasóz qyzmeti habarlady

Onyń maqsaty kishi serjanttar quramynyń kásibı deńgeıin arttyrý, kásibı daıarlyq sheńberinde olardyń bilimin tekserý, sátti praktıkalyq qyzmet úshin jetkilikti kólemde serjanttardyń áskerı, tehnıkalyq jáne arnaıy bilimdi ıgerýi, oqytý men tárbıeleýdiń biryńǵaı ádistemesin aıqyndaý, baǵynystylardy oqytyp-úıretýde ınnovatsııalyq, perspektıvti úlgiler men ádisterdi engizý bolyp tabyldy.

2015 jyly kýrstyq daıarlyqta 230 serjant oqytyldy, onyń 33%-y - joǵary oqý oryndarynda jáne 67%-y - «Shyǵys» óńirlik qolbasshylyǵynda. Ótken jyly 265 serjant, 2013 jyly - 151 serjant oqytyldy.

Kýrstyq daıarlyq qorytyndysy boıynsha 40398 áskerı bóliminiń serjanty aǵa serjant Sh.Raqyshev, 28738 áskerı bólimi batareıasynyń serjanty aǵa serjant B.Aıtbaev, 44736 áskerı bólimi rotasynyń serjanty 3-synypty serjant Q.Sálmenov, 27943 áskerı bóliminiń rota serjanty 3-synypty serjant Q.Ádilov, 10810 áskerı bóliminiń bólimshe komandıri kishi serjant A.Muhametqalıev atap ótildi.

Quramalar men áskerı bólimder arasyndaǵy reıtıngte 10810 jáne 27943 áskerı bólimderiniń serjanttary úzdik kórindi.

Jalpy alǵanda, úlgerimniń ortasha esebi 4,2 baldy qurady. Bul kýrstyq daıarlaý ádisimen ótkizý ári qaraı serjanttarǵa laýazymdyq arnalýyna sáıkes ózderiniń fýnktsıonaldyq mindetterin oryndaýǵa múmkindik beretinin rastaıdy.