Shyǵys Qazaqstanǵa Vero Cell vaktsınasynyń 300 myńǵa jýyq dozasy jetkizildi

ÓSKEMEN. QazAqparat – Shyǵys Qazaqstan oblysyndaǵy emhanalarǵa qytaılyq Sinopharm kompanııasynyń Vero Cell vaktsınasy jetkizildi, dep habarlaıdy QazAqparat tilshisi.

ShQO aqparat ortalyǵynyń málimetine súıensek, Dúnıejúzilik densaýlyq saqtaý uıymy atalmysh vaktsınany osy jyldyń mamyr aıynda tótenshe jaǵdaıda qoldanylatyn ekpeler tizimine engizgen.

Eki komponentti vaktsınanyń tıimdiligi - 79 paıyz.

«Klınıkalyq zertteýler eleýli janama áserler kórsetken joq. Onda da COVID-19 ekpelerine tán standartty reaktsııalar bar, atap aıtqanda ınektsııa ornyndaǵy aýyrsyný, tumaý jáne álsizdik», - delingen habarlamada.

Sinopharm kompanııasynyń vaktsınasy qazaqstandyqtarǵa qoljetimdi. Bul - elimizde tirkelgen altynshy vaktsına.

Búginde Shyǵys Qazaqstanǵa Vero Cell preparatynyń 298 myń dozasy jetkizilgen.

«Vaktsına oblystyń barlyq emhanalaryna kelip tústi. Onyń ishinde Óskemenge 50 myń doza jetkizildi. Jalpy, oblysta qazirgi tańda vaktsınanyń úsh túri bar, olar – «Spýtnık V», QazVac, Sinopharm», - delingen málimette.