Shyǵys Qazaqstandaǵy 13 ýchaskede sel júrý qaýpi bar
ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha 13 ýchaskede sel júrý qaýpi bar. Olar Katonqaraǵaı, Zaısan, Altaı aýdandary men Rıdder qalasynda ornalasqan.
«Osy 4 óńirdiń aýmaǵyndaǵy bıik taýlarda 11 eldi mekenge qaýip tóndiretin 144 muzdyqty kól qalyptasady. Mamandar qaýipsizdik maqsatynda kólder muzdan áli ashylmaǵan sátten bastap sel qaýpi bar jaǵdaıdy baqylaý úshin aerovızýaldy tekserý júrgizýde», - delingen aqparatta.
Oblysta 9 ýchaskede kóshkin qaýpi bar. Bul negizinen avtojoldarda, ózen basseınderinde, Rıdder qalasyndaǵy Gromotýha, Úbe, Altaı aýdanyndaǵy Buqtyrma, Hamır, Chernovaıa, Katonqaraǵaı aýdanyndaǵy Buqtyrma, Zaısan aýdanyndaǵy Kendirlik jaǵalyq eńister men taýlardyń kesindilerinde.
Osy ýaqytqa deıin kóshkin qaýpi bar jerlerge 54, sel qaýpi bar ýchaskelerge 80 ret jerústi tekserý júrgizilgen.