Shyǵys Qazaqstandaǵy 129 aýylda ınternet jyldamdyǵy baıaý – Ashat Orazbek

ÓSKEMEN. QazAqparat – Shyǵys Qazaqstan oblysyndaǵy 129 aýylda ınternet jyldamdyǵy baıaý. Bul týraly óńir jurtshylyǵymen kezdesken QR Tsıfrlyq damý, ınnovatsııa jáne aeroǵarysh ónerkásibi vıtse-mınıstri Ashat Orazbek málim etti, dep habarlaıdy QazAqparat tilshisi.

Búgingi tańda oblystaǵy 363 eldi mekenniń 129-ynda ınternet jyldamdyǵy baıaý. Aýyldardyń jartysynan kóbi 3G baılanysymen qamtylǵan.

«Bul aýyldardyń turǵyndary WhatsApp messendjerin paıdalana alady. Biraq uıaly telefonda ınternettiń jyldamdyǵy óte tómen. Oblystaǵy eldi mekenderdiń 16 paıyzy ǵana 4G baılanysymen qamtylǵan», - deıdi Ashat Orazbek.

Onyń aıtýynsha, 234 eldi mekende symdy ınternet joq. Osy máseleni sheshý úshin birqatar shara qolǵa alynbaq.

«ShQO-ny baılanyspen qamtý boıynsha pılottyq aımaqqa aınaldyrǵymyz keledi. Bul maqsatta qalalar men aýyldarǵa birneshe ret sapar jasadyq. «Qoljetimdi ınternet» jańa ulttyq baǵdarlamasy aıasynda tıisti jumystar júrgiziledi. Oblys ákimdigi de antenna-matchtalyq qurylǵylardy salýǵa qarjy bólip otyr», - deıdi QR Tsıfrlyq damý, ınnovatsııa jáne aeroǵarysh ónerkásibi vıtse-mınıstri.