Shyǵys Qazaqstanda jyl basynan beri para alǵan 66 adam sottaldy
QR Sybaılas jemqorlyqqa qarsy is-qımyl agenttigi Shyǵys Qazaqstan oblysy boıynsha departamenti basshysynyń birinshi orynbasary Jiger Baıdildın baspasóz konferentsııasy barysynda osy jyldyń 10 aıynda atqarylǵan jumysty qorytyndylady.
«Departament qyzmetkerleri atalǵan kezeńde 100 qylmysty, onyń ishinde 85 sybaılas jemqorlyqty anyqtady. Onyń ishinde 33-i - aqsha jymqyrý, 54-i - para alý faktisi. Aýyr jáne asa aýyr sybaılas jemqorlyqqa barǵan 68 qylmys tirkeldi. Sol úshin 66 adam qylmystyq jaýapkershilikke tartylǵan», - dedi ol.
Eń iri para mólsheri – 40 mıllıon teńgeni qurap otyr.
Jiger Baıdildınniń aıtýynsha, sybaılas jemqorlyqpen ustalǵan laýazymdy tulǵalardyń qatarynda QR Mádenıet jáne sport mınıstrligi Sport jáne dene shynyqtyrý isteri komıteti tóraǵasynyń orynbasary, QR IIDM Indýstrııalyq damý jáne ónerkásiptik qaýipsizdik komıteti oblystyq basqarmasynyń basshysy, QR AShM Veterınarııalyq baqylaý jáne qadaǵalaý komıteti ShQO boıynsha aýmaqtyq ınspektsııasy basshysynyń mindetin atqarýshy, Aıagóz qalasynyń ákimi jáne Glýbokoe aýdany ákiminiń orynbasary bar.