Shyǵys Qazaqstanda jyl basynan beri 23 bala jol apatynan zardap shekti

ÓSKEMEN. QazAqparat – Shyǵys Qazaqstan oblysynda bıyl jol apatynan 23 bala zardap shekti , dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylary óńir joldarynda balalar qaýipsizdigin qamtamasyz etý úshin túrli sharalardy qolǵa alyp jatyr.

«Oblys boıynsha jyl basynan beri kámeletke tolmaǵandardyń qatysýymen 21 jol-kólik oqıǵasy tirkeldi. Sonyń saldarynan 23 bala zardap shekken. Jol apatyna kólik júrgizýshileriniń kinási sebep boldy», - delingen aqparatta.

Osyndaı oqys jaǵdaılardyń aldyn alý úshin polıtseıler «Jaz 2023: Biz qaýipsiz ómir úshin!» atty aktsııa ótkizdi.

Onyń barysynda ata-analar men balalarǵa jadynamalar men býkletter taratyldy. Aktsııa adam kóp júretin saıabaqtarda uıymdastyrylǵan.

Sondaı-aq quqyq qorǵaý organynyń qyzmetkerleri jyl saıyn jaz taıaǵanda «Nazar aýdaryńyz, balalar!» jedel aldyn alý sharasyn ótkizedi.