Shyǵys Qazaqstanda jol boıynda 112 márte qar kóshkini túsirildi

ÓSKEMEN. QazAqparat – Shyǵys Qazaqstan oblysynda qys bastalǵaly beri 112 ret jasandy jolmen qar kóshkini júrgizildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, óńirdiń taýly jerlerinde birneshe kún boıy kóshkin júrý qaýpi saqtalyp otyr.

«Sondyqtan búgin «Qazseldenqorǵaý» ShQ fılıalynyń mamandary qaýipsizdik maqsatynda «Altaı-Pýtıntsevo» tasjolynyń 4 ýchaskesinde profılaktıkalyq kóshkin túsirdi. Nátıjesinde, túsken qardyń jalpy kólemi 790 tekshe metrdi quraǵan», - dep habarlady vedomstvo ókilderi.

Búginde kún saıyn kóshkin júrý qaýpi bar jerlerge monıtorıng júrgizilip jatyr.

Mamandar azamattarǵa daýyldy eskertýlerge nazar aýdaryp, kóshkin júrýi múmkin taýly jerlerge barmaý qajettigin eskertti.

Aıta keteıik, qys bastalǵaly beri óńir boıynsha 112 márte jasandy jolmen qar kóshkini túsirilgen.