Shyǵys Qazaqstanda joǵalǵan 5 mln teńgeniń maly ıesine qaıtaryldy
ShQO polıtseıleri 48 saǵat ishinde quny 5 mıllıon teńgeden asatyn maldy taýyp, ıelerine qaıtarǵan. Shyǵys Qazaqstan oblysynyń aýmaǵynda 28-30 qarasha aralyǵynda polıtsııa qyzmetkerleri mal urlyǵyn jasaýǵa, olardy ustaýǵa jáne qylmystyq jaýapkershilikke tartýǵa qatysy bar adamdardy anyqtaýǵa baǵyttalǵan «Mal urlyǵy» respýblıkalyq jedel-profılaktıkalyq is-sharasyn ótkizdi. Eki kún ishinde krımınaldyq polıtsııa qyzmetkerleri buryn jasalǵan mal urlyǵynyń 10 faktisin ashty. Olardyń biri «aýyr» sanatta.
Sonymen qatar polıtseıler somasy bes mıllıon teńgeden astam 19 bas maldy qaıtaryp bergen. Sondaı-aq tártip saqshylary aýmaqtyq veterınarııa qyzmetterimen birlesip, mal men et ónimderin tasymaldaıtyn 400-den astam kólikti teksergen. Tekserý sharýa qojalyqtarynda, mal men et ónimderin ótkizý oryndarynda júrgizildi. Nátıjesinde veterınarııa salasynda 35 quqyq buzýshylyq anyqtaldy. Onyń ishinde 22-si tıisti qujattarsyz mal nemese et tasymaldaǵany úshin tirkelgen. 48 saǵat ishinde ótken JPІSh barysynda 80-nen astam qojaıyn mal baqqany úshin jaýapkershilikke tartylǵanyn atap ótken jón.
Atalǵan baǵyttaǵy jumys departament basshylyǵynyń turaqty baqylaýynda bolady.