Shyǵys Qazaqstanda jel elektr stansasyna Abaıdyń aty berilmek

ÓSKEMEN. QazAqparat – Shyǵys Qazaqstan oblysy Aıagóz aýdany Aqtoǵaı aýylynda salynatyn alǵashqy jel elektr stansasyna uly aqynnyń aty beriledi, dep habarlaıdy QazAqparat.

Bul jaıly oblystyq kásipkerlik jáne ındýstrıaldy-ınnovatsııalyq damý basqarmasynyń basshysy Erjan Shýrmanov málim etti.

«Jel elektr stansasyn qazaqtyń bas aqynynyń qurmetine «Abaı 1» dep ataýdy jón kórdik. Qazirgi ýaqytta nysan qurylysyna qatysty birqatar máseleler sheshilýde. Stantsııany salatyn kompanııanyń tájirıbesi mol», - deıdi ol.

Aıta keteıik, bul - ShQO boıynsha alǵashqy jel elektr stantsııasy bolmaq.

Osyǵan deıin mundaı stantsııalardy Jarma jáne Ulan aýdandarynda salý josparlanǵan edi. Alaıda belgili bir sebeptermen iske aspaı qalǵan.