Shyǵys Qazaqstanda zańsyz aınalymdaǵy 93 qarý tárkilendi
ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda 3 aqpannan bastap «Qarý» jedel aldyn alý sharasyn ótkizýde. Mundaǵy maqsat – atys qarýyn qoldanýmen baılanysty qylmystardyń aldyn alý, qarý-jaraq pen oq-dárilerdi zańsyz aınalymnan shyǵarý.
«Shara bastalǵaly beri zańsyz aınalymdaǵy 93 qarý jáne myńǵa jýyq oq-dári tárkilendi. Bulan bólek, 12 000-nan astam qarý ıesi turǵylyqty jeri boıynsha tekserilip, 304 ákimshilik quqyqbuzýshylyq tirkeldi. Olardyń ishinde qarýdy zańsyz saqtaǵany úshin – 84, saqtaý erejelerin buzǵany úshin -149, qarýdy tirkeý erejelerin buzǵany úshin – 71», - dedi oblystyq PD bastyǵynyń birinshi orynbasary Eldos Zakımov.
Máselen, 23 naýryz kúni polıtseıler úıinde kóp mólsherde oq-dári saqtaǵan 34 jastaǵy Óskemen turǵynyn anyqtady. Oǵan qatysty QR ÁQBtK 482-baby 1-bóligi boıynsha hattama toltyrylǵan.