Shyǵys Qazaqstanda týyp-óskenderge qosymsha aqy men 10 kún demalys qosylady

ÓSKEMEN. QazAqparat – Shyǵys Qazaqstan oblysynda týyp-ósken ár adamǵa ekologııalyq jeńildikter jasalatyn boldy, dep habarlaıdy QazAqparat tilshisi.

ShQO memlekettik eńbek ınspektsııasy basqarmasynyń basshysy Baqytbek Qızatovtyń aıtýynsha, óńirde týyp-ósken ár adamǵa ekologııalyq jeńildikter jasalatyn boldy. Al osyǵan deıin tek 1991 jylǵa deıin týǵan, qolynda arnaıy anyqtama qaǵazy bar adamdar ǵana jeńildik alatyn edi.

«ıAǵnı, endi óńir turǵyndaryna jas shamasyna qaramastan aı saıynǵy eńbekaqyǵa 1,5 AEK mólsherinde (4 594,5 teńge) qosymsha aqy tólenedi. Sondaı-aq jyl saıyn 10 kún qosymsha aqyly eńbek demalysy beriledi», - dedi basqarma basshysy.

Bul ShQO ákimdigi, oblystyq kásipodaq jáne jumys berýshiler birlestikteri arasyndaǵy 2021-2023 jyldarǵa arnalǵan kelisimge sáıkes múmkin bolyp otyr.