Shyǵys Qazaqstanda toı ótkizýge ruqsat berildi – feık

ÓSKEMEN. QazAqparat – Shyǵys Qazaqstan oblysynda toı ótkizýge ruqsat berilgendigi týraly aqparat jalǵan, dep habarlaıdy QazAqparat tilshisi.

ShQO Sanıtarlyq-epıdemıologııalyq baqylaý departamenti óńir aýmaǵynda toı ótkizýge ruqsat berilgendigi týraly aqparatty joqqa shyǵardy.

«Sońǵy kúnderi áleýmettik jelilerde Shyǵys Qazaqstanda adam kóp jınalatyn saltanatty sharalardy (banket, úılený toıy, mereıtoı) ótkizýge bolatyndyǵy jaıly aqparat tarap ketti. Bul shyndyqqa janaspaıdy. Aımaq boıynsha tek Ashyq jobasyna qatysatyn banket zaldaryna tek eske alý sharalaryn ótkizýge ruqsat berilgen», - delingen habarlamada.

Esterińizge sala ketsek, osyǵan deıin Buqtyrma sý qoımasyndaǵy, Alakóldegi jáne «Rahman qaınarlary» sanatorııindegi demalys bazalary Ashyq jobasymen jumys isteıtindigin habarlaǵan bolatynbyz.