Shyǵys Qazaqstanda Táýelsizdik kúninde 50 sábı dúnıege keldi

ÓSKEMEN. QazAqparat – Shyǵys Qazaqstan oblysynda Táýelsizdik kúninde 50 sábı jaryq dúnıe esigin ashty, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, Táýelsizdik kúninde óńir boıynsha 50 sábı dúnıege kelgen. Olardyń basym bóligi – qyzdar.

Jeltoqsannyń 16-y kúni náresteler Óskemen, Semeı shaharlaryndaǵy perınataldy ortalyqtarda, Aıagóz, Zaısan, Altaı qalalyq jáne Kókpekti, Borodýlıha aýdandyq aýrýhanalarynda ómirge keldi.

«Úlken otbasymyzda bul kún endi erekshe toılanatatyn bolady. Sebebi kishkentaıymyz dál osy qasterli merekede dúnıege kelip otyr. Elimiz aman, jurtymyz tynysh, aspanymyz ashyq bolsyn!», - dedi analardyń biri.

Aıta ketý kerek, oblysta jyl saıyn perınataldy sala damı túsip, sábıler men analarǵa arnalǵan jaǵdaılar jaqsaryp keledi. Bul óz kezeginde týý kórsetkishterine de oń áser etti. Osy jyldyń basynan beri aımaq boıynsha 22 000-nan astam sábı týǵan.