Shyǵys Qazaqstanda taýdan 5 márte qar kóshkini túsirildi

ÓSKEMEN. QazAqparat – Shyǵys Qazaqstan oblysynda taýdan 5 qar kóshkini túsirildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, óńirde kún raıy kúrt jylytyp, jel jyldamdyǵy kúsheıdi.

Soǵan baılanysty taýly jerlerde qar kóshkini júrý qaýpi barynsha artqan.

«Búgin qutqarýshylar men «Qazseldenqorǵaý» mekemesi ShQ fılıalynyń mamandary birlesip, «Óskemen-Altaı» tasjolynda profılaktıkalyq maqsatta qar kóshkinin túsirý jumystaryn júrgizdi. Jol boıyndaǵy taý bókterinde birneshe jarylys jasalyp, barlyǵy 5 kóshkin túsirildi», - delingen aqparatta.

Nátıjesinde, túsirilgen qardyń jalpy kólemi – 23 700 tekshe metrdi qurady. Qar joldy tolyqtaı jaýyp qaldy. Birden joldy tazalaý jumystary qolǵa alynǵan.

Osy rette, TJD qyzmetkerleri óńir jurtshylyǵyna ázirge taýly jerlerge barmaý qajettigin eskertti.