Shyǵys Qazaqstanda sýǵa shomylý maýsymyna daıyndyq júrgizilýde
ShQO TJD baspasóz qyzmetiniń málimetine súıensek, sýǵa shomylý maýsymy 1 shildede bastalady. Qazirgi ýaqytta qutqarýshylar daıyndyq jumystaryn bastap ketken.
Ótken jylǵy sýǵa shomylý maýsymynda óńirdiń sý qoımalarynda 41 adam qutqarylǵan. Ókinishke qaraı, jyl saıyn turǵyndardyń sýǵa batý faktileri de tirkelip jatady. Máselen, byltyr 31 adam sýǵa ketse, onyń ishindegi 8-i bala. Barlyq jazataıym oqıǵalar jabdyqtalmaǵan jerlerde bolǵan. Sýǵa batqan adamdar sany jaǵynan – Semeı (11), Óskemen qalalary (5) men Altaı aýdany (4 ) aldyńǵy oryndarda tur», - dedi Óskemen qalalyq TJB bastyǵynyń orynbasary Dastan Ahmetov.
Shyǵys Qazaqstanda shomylýǵa tyıym salynǵan 64 ýchaske bar. Týrızm basqarmasynyń málimeti boıynsha, oblys aýmaǵynda 562 demalys ortalyǵy tirkelgen, onyń 296-y sý jaǵalaýlarynda.
Búginde Óskemen qalasyndaǵy 2 resmı jaǵajaı tekserildi. Ázirge olar demalýshylardy qabyldaýǵa ázir emes. Bul oryndardyń basshylaryna jaǵajaılardy talapqa sáıkes daıyndaýǵa ýaqyt berildi.
Sondaı-aq qoǵamdyq qutqarýshylardy oqytý boıynsha jumys júrgizilýde. Alakól ózeninde sýǵa shomylý maýsymynda demalýshylardyń qaýipsizdigin qamtamasyz etý maqsatynda órt sóndirý-qutqarý beketi uıymdastyrylmaq.