Shyǵys Qazaqstanda soǵys ardagerlerine qansha teńgeden syıaqy beriledi

ÓSKEMEN. QazAqparat – Shyǵys Qazaqstan oblysynda Jeńis kúnine oraı UOS ardagerlerine 1 mln teńgeden beriledi, dep habarlaıdy QazAqparat tilshisi.

Búgingi tańda óńir boıynsha Uly Otan soǵysynyń 79 qatysýshysy turady. Olarǵa Jeńis kúniniń 76 jyldyǵyna oraı 1 000 000 teńgeden berilmek.

Sondaı-aqUOS qatysýshylaryna teńestirilgenderge oblystyq jáne jergilikti bıýdjetten birrettik materıaldyq kómek qarastyrylǵan.

«Qorshaý kezinde Lenıngrad qalasynyń kásiporyndarynda, mekemeleri men uıymdarynda jumys istegen jáne «Lenıngradty qorǵaǵany úshin» medalimen jáne «Qorshaýdaǵy Lenıngrad turǵyny» belgisimen nagradtalǵan azamattar - 11 adam (árbir qatysýshyǵa tólem mólsheri – 100 myń teńge); Ekinshi dúnıejúzilik soǵys kezinde fashıster men olardyń odaqtastary qurǵan kontslagerlerdiń, gettolardyń jáne basqa da eriksiz ustaý oryndarynyń jasy kámeletke tolmaǵan burynǵy tutqyndary - 22 adam (árbir qatysýshyǵa tólem mólsheri – 100 myń teńge); Basqa nekege turmaǵan, qaıtys bolǵan UOS múgedekteriniń áıelderi (kúıeýleri), qaıtys bolǵan UOS qatysýshylarynyń, partızandardyń, astyrtyn kúres júrgizýshilerdiń, «Lenıngradty qorǵaǵany úshin» medalimen jáne «Qorshaýdaǵy Lenıngrad turǵyny» belgisimen nagradtalǵan azamattardyń áıelderi (kúıeýleri), múgedek dep tanylǵandar – 531 adam (árbir qatysýshyǵa tólem mólsheri – 100 myń teńge)» delingen ShQO ákiminiń baspasóz qyzmeti taratqan málimette.

Sonymen qatar nagradtalǵan 320 tyl eńbekkerine – 100 myń teńgeden, marapattalmaǵan 12 504 tyl eńbekkerine – 42 500 teńgeden berilmek.

Aıta keteıik, osy maqsatta bıýdjetten jalpy mólsheri 705 mln teńge bólingen.