Shyǵys Qazaqstanda shekteý sharalary 2 shildege deıin uzartyldy

ÓSKEMEN. QazAqparat – Shyǵys Qazaqstan oblysynda karantın shekteýleri 2 shildege deıin uzartyldy, dep habarlaıdy QazAqparat tilshisi.

ShQO bas memlekettik sanıtar dárigeriniń jańa qaýlysy jarııalandy.

Onda jazylǵandaı, óńirdegi karantın 2 shildege deıin uzartyldy.

Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.

Búginde COVІD-19 juqtyrǵan naýqastardy emdeýge arnalǵan ınfektsııalyq statsıonarlardaǵy tósek qorynyń tolý deńgeıi – 7,4%.

Oblys boıynsha ınfektsııanyń reprodýktıvtik R sany – 0,978.

«Ashyq» jobasyna qatysatyn «jasyl», «sary» aımaqtardaǵy áýejaılar, temirjol vokzaldaryna jumys isteýge ruqsat berildi. Osy qaýly 19 maýsymnan bastap kúshine enedi jáne onyń resmı kúshi joıylǵanǵa deıin qoldanylady» delingen qujatta.

Bul rette ShQO sanıtarııalyq-epıdemıologııalyq baqylaý departamenti halyqty sanıtarlyq erejelerdi qatań saqtaýǵa shaqyrady.