Shyǵys Qazaqstanda ruqsat etilmegen qoqys oryndarynyń 87% joıyldy
23:10, 23 Qazan 2020
ÓSKEMEN. QazAqparat - Óńirlik kommýnıkatsııalar qyzmetinde ótken brıfıngte energetıka jáne turǵyn úı-kommýnaldyq sharýashylyq basqarmasy basshysynyń orynbasary Nurlan Ramazanov Shyǵys Qazaqstan oblysyndaǵy stıhııaly qoqys oryndaryn joıý týraly aıtyp berdi.
Bıyl «Qazaqstan ǵarysh sapary» aktsıonerlik qoǵamy júrgizgen ǵaryshtyq monıtorıng kezinde ShQO-da 569 stıhııalyq qoqys orny anyqtalǵan.
- Bizdiń basqarma ekologııa departamentimen birlesip, qoqys tastaıtyn jerlerdi joıý kestesin ázirlep, bekitti. Qala jáne aýdan ákimdikteriniń kómeginiń arqasynda búgingi kúni 497 ruqsat etilmegen qoqys orny joıyldy, - dep atap ótti Nurlan Ramazanov.
Onyń sózine sensek, budan basqa Óskemen jáne Semeı qalalarynda zamanaýı qoqys óńdeý zaýytyn salý máselesi qarastyrylyp jatyr.
Ruqsat etilmegen qoqys ornyn joıý jumysy turaqty negizde júrgiziledi.