Shyǵys Qazaqstanda praımerızge qatysýshylardyń 25 paıyzy – jastar
«Nur Otan» partııasy Shyǵys Qazaqstan oblystyq fılıaly tóraǵasynyń birinshi orynbasary Oleg Chýgýnkov Óskemen qalasynyń jastarymen kezdesip praımerızge qatysty suraqtarǵa jaýap berdi.
«Praımerız jarııalanǵaly bir apta ýaqyt ótti. Osy aralyqta oblys boıynsha 707 adam praımerızge qatysýǵa ótinim bildirse, 661 adam resmı túrde tirkelip úmitker atandy. Bul rette óńir jastarynyń belsendiligi joǵary. Partııaishilik irikteýge 35 jasqa deıingi 180 adam (25%) tirkelip otyr. Ózderińizge belgili, partııa lıderi Nursultan Nazarbaev elimizdiń saılanbaly organdarynda 35 jasqa deıingi jastardyń úlesin 20 paıyzǵa arttyrýdy tapsyrǵan bolatyn. Bul partııaishilik irikteý praımerızde eskerilip otyr. Osynaý múmkindikti sizder tıimdi paıdalanyp elimizdiń ıgiligi úshin jumys isteýlerińiz qajet», - dedi Oleg Chýgýnkov.
Praımerızge qatysýǵa nıet bildirgenderdiń 41,6% - áıelder. Bastaýysh partııa uıymdarynan 232 adam (32,7%) usynylǵan bolsa, qalǵan 429 adam (60,3%) – ózin-ózi usynýshylar. Sonymen qatar 11 kópbalaly ana men 6 erekshe qajettiligi bar adam usynylǵan.
«Praımerızge tirkeý bastalǵan kúnnen bastap qajetti qujattarymdy jınastyryp, qalamyzdaǵy partııa fılıalyna baryp ótkizdim. Elimizde tuńǵysh ótkizilip jatqan sharaǵa qatysyp baǵymdy synamaqpyn. Bul elimizdiń jastary úshin úlken múmkindik», - deıdi Óskemen qalalyq Jastar ortalyǵynyń basshysy Syrym Bektasuly.