Shyǵys Qazaqstanda osy aptada 7 adam sýǵa ketti

ÓSKEMEN. QazAqparat – Shyǵys Qazaqstan oblysynda osy aptada 7 adam, onyń ishinde 2 bala sýǵa batyp ketti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha osy aptada 7 adam sýǵa ketken. Sońǵy oqıǵa 1 maýsym kúni Mırolıýbovka aýylyndaǵy Buqtyrma sý qoımasynda boldy. 1997 jylǵy qyz úrlemeli matraspen jaǵadan alysqa ketip qalǵan. Abaısyzda taıyp ketip sýǵa qulaǵan ol, júzip shyǵa almaǵan.

«Jalpy shomylý maýsymy bastalǵaly beri oblysta 12 adam sýǵa batty. Onyń ishinde 3 bala bar. Negizinen 20-40 jas aralyǵyndaǵy azamattar sýǵa batýda. Olardyń kópshiligi óz kúshterin durys baǵalamaý jáne mas kúıde shomylý saldarynan kóz jumǵan. Al balalar ata-analardyń qaraýsyz qaldyrýynan sýǵa ketýde», dedi oblystyq TJD bastyǵynyń mindetin atqarýshy Dmıtrıı Tıtov.

Osy rette, departament mamandary óńir jurtshylyǵyn arnaıy jabdyqtalmaǵan jerlerde sýǵa túsýden aýlaq bolýǵa shaqyrady.