Shyǵys Qazaqstanda ormanda shyqqan órt bir kúnnen keıin aýyzdyqtaldy

ÓSKEMEN. QazAqparat – Shyǵys Qazaqstan oblysy Ulan aýdanynda ormanda shyqqan órt bir kúnnen keıin aýyzdyqtaldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, 1 tamyz kúni Ulan aýdany Asýbulaq orman sharýashylyǵy aýmaǵyndaǵy Belogorsk ormanshylyǵynda órt shyqqan.

Qyzyl jalyn shóp, buta men aǵashtardy sharpydy. Oqıǵa ornyna jetken ormanshylar men órt sóndirýshiler otty óshirýge kiristi. Jan-jaqqa jyldam jaıyla bastaǵan «tilsiz jaýmen» kúresý ońaı bolǵan joq.

«Birlesken is-qımyldyń arqasynda 2 tamyz saǵat 19.30 shamasynda jalpy aýdany 3,9 gektar órt aýyzdyqtaldy. Órtpen kúreske jeke quramnan 28 adam jáne 7 tehnıka jumyldyryldy», - delingen aqparatta.