Shyǵys Qazaqstanda oraza jaıly suraqtarǵa arnaıy Telegram-bot jaýap beredi
Bul jaıly ShQO óńirlik kommýnıkatsııalar qyzmetinde ótken baspasóz máslıhatynda aıtyldy.
«Shyǵys aqparat» medıaholdıngi bastamasyn «Halıfa Altaı» meshiti qoldap, Telegram arnasynda «Ramazan live» atty bot iske qosyldy. Atalmysh jobadan qalalar men aýdandar boıynsha namaz jáne oraza kestesi, aýyz ashý jáne bekitý duǵalary, sadaqa jaıly bilip, Ramazan aıynda jıi qoıylatyn suraqtarǵa jaýap alýǵa bolady», - deıdi medıaholdıngtiń SMM departamenti basshysy Eljan Qaıyrqanov.
Onyń aıtýynsha, «Ramazan Live» Telegram-boty halyqtyń jedel túrde ózine qajetti aqparatty tabýyna jáne mazalaǵan suraqtaryna naqty jaýap alýyna múmkindik beredi.
«Qazaqstan musylmandary dinı basqarmasyna qarasty «Mýftııat» baspasynan Ramazanǵa baılanysty «Orazaǵa qatysty 200 suraq» kitaby shyǵarylyp jatyr. Degenmen, kitapty barlyǵy oqı bermeıdi. Al uıaly telefon únemi qolda bolǵandyqtan kez kelgen ýaqytta osy botty qoldaný yńǵaıly», - deıdi oblystyń bas ımamy Ermek qajy Muqataı.
Aldaǵy ýaqytta bul jobany damytý da josparlanyp otyr.
Bas ımamnyń sózinshe, Ramazan aıy aıaqtalǵannan keıin de bul bottan kúndelikti ómirde kezdesetin dinge qatysty suraqtardy qamtyp, barlyǵyna birdeı jaýap ala alatyndaı jaǵdaı jasalmaq.