Shyǵys Qazaqstanda oqshaýlaý rejımin buzǵan 36 adam jaýapqa tartyldy
ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, oqshaýlaný tártibin elemegen 36 adamǵa qatysty QR «Ákimshilik quqyq buzýshylyq týraly» kodeksiniń 425-baby 1-bóligine sáıkes hattama toltyrylǵan.
«Onyń ishinde Semeıde 23 turǵyn bolsa, Óskemen qalasynda – 7, Úrjar aýdanynda – 4, Kýrchatov qalasy men Kúrshim aýdanynda 1 adamnan anyqtalyp otyr. Sondaı-aq jyl basynan beri «Ashyq» mobıldi qosymshasy boıynsha túri nysanǵa kirmek bolǵan «qyzyl» statýstaǵy 488 adam, «sary» statýsy bar 55 adam anyqtaldy», - delingen aqparatta.
Osy rette, departament mamandary halyqty karantın talaptary men respýblıkalyq, oblystyq Bas memlekettik sanıtarlyq dárigerlerdiń qaýlylaryndaǵy barlyq shekteýlerdi saqtaýǵa shaqyrady.