Shyǵys Qazaqstanda «Nur Otan» partııasynyń tizimine alǵashqy úmitkerler anyqtaldy
«Nur Otan» partııasy Shyǵys Qazaqstan oblystyq fılıalynyń baspasóz qyzmetiniń málimetinshe, aýmaqtyq konferentsııalar partııanyń on bir fılıalynda, atap aıtqanda Semeı, Óskemen, Rıdder qalalarynda, Abaı, Altaı, Aıagóz, Besqaraǵaı, Zaısan, Katonqaraǵaı, Ulan jáne Úrjar aýdandarynda ótti. Sharada 2021-2025 jyldarǵa arnalǵan 5 jyldyq qalalyq jáne aýdandyq saılaýaldy baǵdarlamalar bekitilip, oblystyq konferentsııaǵa qatysý úshin delegattar saılandy.
«Konferentsııany ótkizý aıasynda Shyǵys Qazaqstan oblystyq máslıhatynyń partııalyq tizimine praımerızge qatysýshy kandıdattar arasynda jarııa debattar ótti. Kópshilik pikirsaıystar barysynda kandıdattar qalanyń, aýdannyń, jalpy óńirdiń áleýmettik-ekonomıkalyq damýyna baǵyttalǵan baǵdarlamalardy usyndy», - delingen habarlamada.
Aıta keteıik, «Praımerız» aqparattyq júıesinde jasyryn, elektrondyq daýys berý qorytyndysy boıynsha jeńimpazdar anyqtalǵan. Olardyń arasynda shaǵyn jáne orta bıznes, bilim berý, densaýlyq saqtaý, ónerkásip, aýyl sharýashylyǵy jáne úkimettik emes uıymdardyń ókilderi bar.