Shyǵys Qazaqstanda muz jarý jumystary júrgizildi

ÓSKEMEN. QazAqparat – Shyǵys Qazaqstan oblysy Besqaraǵaı aýdanynda muz jarý jumystary júrgizildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, óńir boıynsha turǵyn úıler men ǵımarattardy sý basýyn boldyrmaý maqsatynda aldyn alý sharalary júrgizilip jatyr.

Onyń biri – muz jarý jumystary.

TJD qyzmetkerleri men arnaıy mamandar muz keptelmeı, ózenderdegi sý arnadan kedergisiz ótý úshin jarylys jasaıdy.

4 sáýirde bul is-shara Besqaraǵaı aýdanynda ótkizildi.

Krıvınka jáne Jetijar aýyldaryndaǵy Ertis ózeniniń tómengi aǵysynda jalpy aýmaǵy 35 640 sharshy metr muz jaryldy.

«Muz keptelgen jaǵdaıda ózenderde sý deńgeıi kúrt kóteriledi. Bul úlken aýmaqtardy sý basýyna ákelip soǵady. Sondyqtan sý tasqyny qaýpi bar aýdandarda muzdy usaqtaý jumystary ýaqtyly júrgizilýi shart», - dep túsindirdi departament mamandary.