Shyǵys Qazaqstanda mektep bitirgen 281 túlek «Altyn belgige» úmitker

ÓSKEMEN. QazAqparat – Shyǵys Qazaqstan oblysynda mektep bitirgen 281 túlek «Altyn belgige» úmitker, dep habarlaıdy QazAqparat tilshisi.

ShQO bilim basqarmasy baspasóz qyzmetiniń málimetine súıensek, búgin oblystaǵy 342 mektepte sońǵy qońyraý soǵyldy.

Bilim ordalarynda barlyǵy 96 383 bala oqydy.

Onyń ishinde 9-synyp túlekteri – 8 793, 11-synyp túlekteri – 3810. 4 066 oqýshy kolledjge túsýdi josparlap otyr. UBT tapsyrýǵa túlekterdiń 83% qatysady.

281 túlek «Altyn belgige», 378-i úzdik attestatqa úmitker.

«Mektepterde 9 jáne 11 synyptarǵa arnalǵan memlekettik emtıhandar dástúrli formatta ótedi. Qazirgi ýaqytta emtıhan tapsyrmalary ázirlenýde. «Altyn belgige» úmitkerler qujattarynyń talapqa sáıkestigin arnaıy komıssııa tekserip shyqty. Emtıhan ótetin oryndar baqylaýda», - delingen aqparatta.

Oblys boıynsha 41 kolledj jumys isteıdi. Onda 17727 stýdent oqıdy.

Osy jyly 101 mamandyq boıynsha 4 455 adam dıplom alady dep kútilýde.