Shyǵys Qazaqstanda máslıhat depýtattyǵyna 748 úmitker tirkeldi
Óńirde saılaý komıssııalaryna barlyǵy 78 partııalyq tizim jáne 5 saıası partııadan 771 kandıdat usynylǵan.
Úmitkerlerden kelip túsken ótinishke baılanysty 23 adam densaýlyq jaǵdaıy jáne basqa da sebepter boıynsha óz kandıdatýrasyn alyp tastady.
«Shyǵys Qazaqstan oblysy boıynsha úmitker retinde 748 adam tirkeldi. Atap aıtsaq, partııalyq tizimder «Nur Otan» partııasynan – 542, Qazaqstannyń «Aq jol» demokratııalyq partııasynan – 88, «ADAL» saıası partııasynan – 53, «Aýyl» halyqtyq-demokratııalyq patrıottyq partııasynan 41, «Qazaqstannyń Halyq partııasynan» – 24 kandıdat tirkelip otyr», - dedi oblystyq saılaý komıssııasy tóraǵasynyń orynbasary Janar Alkanova.
Oblys máslıhatyna barlyǵy 4 saıası partııanyń tizimi berilip, 104 kandıdat usynylǵan.
Qalalyq máslıhattarǵa – 5 partııadan 172 úmitker, aýdandyq máslıhattarǵa – 5 partııadan 495 kandıdat.
Partııalyq tizimge 370 áıel men 29 jasqa deıingi azamattar tirkelip, 30 paıyzdyq kvota saqtalyp otyr.