Shyǵys Qazaqstanda mal urlyǵy 26,8 paıyzǵa azaıdy

ÓSKEMEN. QazAqparat – Shyǵys Qazaqstan oblysynda bir jylda mal urlyǵy 23,5 paıyzǵa azaıǵan, dep habarlaıdy QazAqparat tilshisi.

Bul jaıly halyq aldynda esep bergen ShQO polıtsııa departamentiniń bastyǵy Serik Júnisbekov málimdedi.

Ótken jyldyń qorytyndysy boıynsha polıtsııa qyzmetkerleriniń qylmystyq isterdi ashý kórsetkishi 55,2%-dy qurady.

Al aýyr qylmystar boıynsha – 72,5%, asa aýyr qylmystyń ashylýy – 93,8%. Mal urlyǵynyń aldyn alýǵa kóp kóńil bólindi.

Profılaktıkalyq sharalardyń nátıjesinde, qylmystyń bul túri 26,8%-ǵa tómendedi.

Onyń aıtýynsha, mal urlyǵy ásirese aýyldarda keń taraǵan.

Jedel-izdestirý sharalarynyń nátıjesinde mal urlyǵymen aınalysqan 12 toptyń joly kesildi.

Mal ıelerine jalpy somasy 124 mln teńgege baǵalanǵan 569 bas mal qaıtarylǵan.

«Polıtsııa qyzmetindegi mańyzdy baǵyt - nashaqorlyqqa qarsy kúres. Byltyr 208 esirtki qylmysy anyqtaldy. Zańsyz aınalymnan barlyǵy 722 keli túrli esirtki tárkilendi. Bul 2020 jylǵa qaraǵanda úsh ese artyq. Sondaı-aq esirtki kontrabandasynyń 3 faktisi jáne uıymdasqan qylmystyq top qurýdyń 2 faktisi anyqtalǵan», - dedi Serik Júnisbekov.