Shyǵys Qazaqstanda qys bastalǵaly beri 93 ret qar túsirildi

ÓSKEMEN. QazAqparat – Shyǵys Qazaqstan oblysynda qys bastalǵaly beri 93 ret jasandy jolmen qar túsirildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha qar kóshkininiń aldyn alý sharalary 93 ret júrgizilgen. Sonyń nátıjesinde, jalpy kólemi 100 725 tekshe metr qar túsirildi.

«Búgin «Qazseldenqorǵaý» ShQ fılıalynyń mamandary «Óskemen-Severnoe-Altaı-Rahman qaınary» tasjolynda jasandy jolmen qar júrgizdi. Kóshkin júrý qaýpi bar ýchaskede jarylys jasalyp, 2555 tekshe metr qar túsken», - delingen aqparatta.

Aıta keteıik, mamandar kún saıyn kóshkin júrý qaýpi bar jerlerge monıtorıng júrgizýde. Azamattarǵa kóshkin júrýi múmkin taýly jerlerge barmaý qajettigi eskertilýde.