Shyǵys Qazaqstanda koronavırýstyń «omıkron» shtamy tirkelgen joq

ÓSKEMEN. QazAqparat – Shyǵys Qazaqstan oblysynda koronavırýstyń «omıkron» shtamy tirkelgen joq, dep habarlaıdy QazAqparat tilshisi.

ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, 2022 jyldyń basynan beri óńir boıynsha koronavırýsqa 9247 adam shaldyqqan. Onyń ishinde 1254-i 14 jasqa deıingi balalar. Naýqastardyń eń jasy bir aılyq náreste bolsa, eń egde tartqany 94 jasta.

«COVID-19 ınfektsııasyn juqtyrǵandar Shyǵys Qazaqstannyń barlyq qalalary men aýdandarynda tirkelgen. Al «omıkron» shtamyna shaldyqqandar bolǵan joq. Naýryz aıynan beri vırýstyń taralý qarqyny báseńdedi. Sebebi vaktsınatsııa men revaktsınatsııa nátıjesinde halyqtyń ımmýnıteti joǵarylady», - delingen aqparatta.

Vedomstvo dereginshe, búgingi tańda ımmýndaýǵa jatatyn jurttyń 100 paıyzy ekpeniń birinshi jáne ekinshi komponentterin alǵan.