Shyǵys Qazaqstanda koronavırýstyń omıkron shtamy tirkelgen joq
Bul jaıly Aqparat ortalyǵynda ótken baspasóz máslıhaty barysynda Semeı qalalyq Sanıtarlyq-epıdemıologııalyq baqylaý basqarmasy epıdemıologııa bóliminiń basshysy Sholpan Sadyqova aıtyp berdi.
«Koronavırýs juqtyrǵandar sanynyń artýyna baılanysty Semeı «qyzyl» aımaqqa ótti. Shaharda pandemııa bastalǵaly beri vırýsqa 16 myńnan astam adam shaldyqqan. Jyl basynan beri qaýipti dertti juqtyrýdyń 400-den astam jaǵdaıy tirkeldi. Olardyń 80%-ynda sımptom bar bolsa, qalǵany sımptomsyz vırýs tasymaldaýshylar. «Omıkron» shtamyna keletin bolsaq, qalada jáne oblys aýmaǵynda bul jańa shtamdy juqtyrǵandar joq», - dedi ol.
Sholpan Sadyqovanyń aıtýynsha, ShQO bas memlekettik sanıtarlyq dárigeriniń qaýlysymen jańa shekteýler engizildi. Atalǵan talaptardyń qatań saqtalýy epıdemıologııalyq jaǵdaıdy turaqtandyryp, naýqastar sanyn tómendetedi dep kútilýde.
Esterińizge sala ketsek, osyǵan deıin ShQO-da mektepter men kásiporyndardyń 70%-y onlaın formatqa kóshkendigi habarlanǵan.