Shyǵys Qazaqstanda qoqys óńdeıtin eki zaýyt salynbaq

ÓSKEMEN. QazAqparat – Shyǵys Qazaqstan oblysynda qoqys óńdeıtin eki zaýyt salynady, dep habarlaıdy QazAqparat tilshisi.

Aımaq basshysy Danıal Ahmetovtiń aıtýynsha, jýyqta óńirde qoqysty qaıta óńdeıtin eki zaýyt ashylady. Ondaǵy arnaıy tehnıkalardy jergilikti óndirýshiler shyǵarmaq.

«Eýropa qaıta qurý jáne damý bankimen Óskemen jáne Semeı qalalarynda qoqys óńdeıtin zaýyttar ashý týraly kelissózder júrgizgen edik. Endi bul úshin bizge arnaıy tehnıkalar qajet. Osy rette «SemAZ» zaýytynyń basshylyǵy qytaılyq seriktestermen birge jumys istep, osyndaı tehnıkalar daıyndaýda. Tehnıkalar jaqyn arada daıyn bolady. Otandyq tehnıkalar sheteldikinen kem bolmaıtynyna senemin», - dedi ol.

Oblys ákiminiń aıtýynsha, osylaısha qoqysty qaıta óńdeıtin zaýyttar qajetti tehnıkamen tolyqtaı qamtamasyz etiledi.