Shyǵys Qazaqstanda kóktaıǵaq: Kúre jolda kólik qozǵalysy shekteldi

ÓSKEMEN. QazAqparat – Shyǵys Qazaqstan oblysynda kóktaıǵaqqa baılanysty tasjolda kólik qozǵalysy shekteldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 25 qarasha kúni saǵat 16:30-dan bastap aýa raıynyń nasharlaýyna (jańbyr men kóktaıǵaq) baılanysty «Óskemen-Rıdder-RF shekarasy» tasjolynyń 15-105 shaqyrymynda kólik qozǵalysy shekteldi. Bul Beloýsovka kenti men Rıdder qalasy arasyndaǵy jol.

«Atalǵan ýchaskede tirkemesi jáne jartylaı tirkemesi bar júk kólikteriniń qozǵalysyna shekteý engizildi. Tótenshe jaǵdaılardy boldyrmaý maqsatynda kólik ıelerine alys saparǵa shyqpaýǵa keńes beriledi. Oqys jaǵdaı oryn alsa, 1403 nómiri boıynsha táýlik boıy jumys isteıtin call-ortalyqqa habarlasýǵa bolady», - delingen aqparatta.