Shyǵys Qazaqstanda qar kóshkini júrý qaýpi bar kezeń aıaqtaldy

ÓSKEMEN. QazAqparat – Shyǵys Qazaqstan oblysynda bıylǵy qar kóshkini júrý qaýpi bar kezeńde 13 ret qar kóshkini júrdi, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, óńirde barlyǵy qar kóshkini júrý qaýpi joǵary 497 ýchaske bar. Onyń ishinde 325-i túrli nysandar men adam ómirine qaýip tóndiredi. Ásirese kóshkin júretin taýlar mańynda ornalasqan avtokólik joldary qaýipti.

«Bıylǵy qysta kóshkin qaýpi bar ýchaskelerdegi qar jamylǵysynyń bıiktigi orta eseppen 53 sm qurady. Qańtar-naýryz aılary ótken jylmen salystyrǵanda jyly boldy. Qys boıy 13 ret ózdiginen qar kóshkini júrdi. Túsken qardyń jalpy kólemi – 14 726 tekshe metr. Zardap shekken adam nemese qıraǵan ǵımarat bolǵan joq», - delingen aqparatta.

Oblystyń jazyq jerlerindegi qar jamylǵysynyń ortasha bıiktigi 5-ten 175 sm-ge deıin, taýlarda 20-dan 230 sm-ge deıin jetti.

2022-2023 jylǵy qysqy kezeńde óńir boıynsha 101 ret jasandy jolmen qar kóshkini júrgizilgen. Túsken qardyń jalpy kólemi 387 060 tekshe metrdi qurady.