Shyǵys Qazaqstanda HQO-lar 5 kúndik jumys kestesine kóshti
«Azamattarǵa arnalǵan úkimet» ShQO boıynsha fılıaly baspasóz qyzmetiniń málimetine súıensek, búginnen bastap óńirdegi HQKO-lar bes kúndik jumys kestesine kóshti.
Teris nemese beıtarap mártebesi bar shyǵysqazaqstandyqtar memlekettik qyzmetterdi kezeksiz ala alady.
«Koronavırýs ınfektsııasynyń taralýyn boldyrmaý maqsatynda Halyqqa qyzmet kórsetý ortalyqtary jumys kúnderi saǵat 09:00-den 18:00-ge deıin kelýshilerdi qabyldaıdy. Al senbi, jeksenbi kúnderi ortalyqtar jabyq bolady. Sondaı-aq qyzmet alýshylarǵa yńǵaıly bolý úshin Óskemen jáne Semeı shaharlarynda dúısenbi-juma aralyǵynda 9:00-den 20:00-ge deıin bir kezekshi bólim jumys isteıdi. Kezekshi bólimderdiń mekenjaılary: Óskemen qalasy Belınskıı kóshesi, 37a jáne Semeı qalasy B.Momyshuly kóshesi, 22», - delingen aqparatta.
Osy rette «Azamattarǵa arnalǵan úkimet» ShQOF óńir jurtshylyǵynan halyqqa qyzmet kórsetý ortalyqtaryna barǵan kezde sanıtarlyq talaptardy buzbaýdy, maska taǵýdy jáne áleýmettik qashyqtyqty saqtaýdy suraıdy.