Shyǵys Qazaqstanda gaz stansasyndaǵy jarylystan zardap shekken eki adam aýrýhanadan shyǵaryldy
Eske sala keteıik, 22 maýsymda Shemonaıha qalasynda gaz quıý stansasynda bolǵan jarylystan tórt adamdy kúıik shalǵan edi.
Birinshi eki er adam, sodan keıin taǵy bir azamat pen áıel aýrýhanaǵa jatqyzyldy. 26 maýsymda denesin 100 paıyz derlik kúıik shalǵan eki adamnyń kóz jumǵany habarlandy.
ShQO Densaýlyq saqtaý basqarmasy baspasóz qyzmetiniń málimetine súıensek, búginde jaǵdaıy jaqsarǵan eki patsıent aýrýhanadan shyǵaryldy.
«59 jastaǵy áıel men 24 jastaǵy jigit úıge jiberildi. Biraq travmatologtyń ambýlatorlyq baqylaýynda bolady. Jarylystan er adam denesiniń 20 paıyzyn kúıik shalǵan. Al sol stansada jumys isteıtin áıeldi jarylys tolqyny birneshe metrge ushyryp jibergen», - delingen aqparatta.
Naýqastar ózderin emdegen dárigerlerge shynaıy rızashylyǵyn bildirgen.