Shyǵys Qazaqstanda et konservilerin óndiretin zaýyt salynady
ShQO aqparat ortalyǵynyń málimetine súıensek, Ulan aýdanynda aýyl sharýashylyǵy salasynyń damýyna serpin beretin birqatar joba júzege asyrylýda.
Aıyrtaý aýyldyq okrýgindegi «Rejebalıev» sharýa qojalyǵyndaǵy sút-taýar fermasynda saýyn tabynyn ulǵaıtý boıynsha qarqyndy jumys júrgizilýde. Sharýashylyq ónimdiligi joǵary, asyl tuqymdy mal satyp alýdy josparlap otyr.
«Aýdanda qazirdiń ózinde Óskemen qus fabrıkasynyń úsh obektisi salynýda. Et jáne et ónimderin óndirý boıynsha úlken klaster qurý josparlanǵan. Gerasımovka aýyl sharýashylyǵy bazasynda 5 myń basqa arnalǵan bordaqylaý alańynyń, sondaı-aq et konservilerin óndirý zaýytynyń qurylysy bastaldy. Jobanyń jalpy quny 700 mln teńgeni quraıdy. Búginde qurylys-montajdaý jumystary aıaqtalyp, Reseı Federatsııasynan jabdyqtardy jetkizýshilermen shart jasaldy» delingen habarlamada.
Osy jyldyń sáýir-mamyr aılarynda ishki qurylys jumystary aıaqtalmaq. Jalpy kásiporyn kúnine 25 tonnaǵa deıin et, 8 myń danaǵa deıin konservi shyǵarýdy josparlap otyr. Olar ónimderdi Reseı men Qytaı elderine eksporttaıdy.