Shyǵys Qazaqstanda esirtki arnasynyń joly kesildi

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri esirtki arnasynyń jolyn kesti, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary óńirge esirtki quraldaryn jetkizý arnasynyń jolyn kesý boıynsha arnaıy operatsııa ótkizdi.

Quqyq qorǵaý organdarynyń qyzmetkerleri oblystyń eki turǵynyn qolǵa túsirdi. Belgili bolǵandaı, olar gashısh jetkizýmen aınalysqan.

«37 jastaǵy eki er adam qylmys ústinde ustaldy. Tintý barysynda olardyń avtokóliginen jáne úılerinen jalpy salmaǵy 1,7 keliden asatyn gashısh tárkilendi. Bul shamamen myń bir rettik dozaǵa teń», - dedi oblystyq PD bastyǵynyń orynbasary Talǵat Shaıahmetov.

Sot sanktsııasymen kúdiktiler qamaýǵa alynǵan. Qazirgi ýaqytta QR QK-niń 297-baby 3-bóligi boıynsha sotqa deıingi tergeý amaldary júrgizilýde.